睇黎呢個 xanga 都係時候收起佢...
唔知點解開始覺得寫黎寫去唔知俾咩人睇...
又唔知寫黎做咩...
諗諗下... 都係唔寫...

再有心機既時候寫下...

1. 「朋友」 朋友係我一生中最重要最重要的。從小學到中學，一直都認識到很多很多好朋友。可惜的是有些失去了聯絡，有些卻有自己的新朋友。認識最長的可算是吳恩瑜吧~ 從幼稚園就認識~ 一直到大學也是同一間大學，而且我小學時還曾經打敗過佢XD 最開心係中學認識朱仔...有當過朱仔係好朋友既你地~ 我永遠都會好好記住我地曾經係埋一齊既時間! 最唔甘心係大學識既你地... 初初覺得冇咩特別... 但係3年時間讓我認識大家玩得埋，做野大家可以一齊俾心機係好開心~ 多謝~ 沒有你們的出現，不會有今天的朱仔~

2.「學業」 我其實最有信心，放最多時間就係係呢樣野上面~ 因為自己蠢... 要靠後天補救。但開心既係身邊出現左好多好多好好既同學仔，一齊陪我補習同溫書。小學既自大令我覺得自己係全世界第一，中學我學懂了不是努力就有好成績，大學就明白盡了力就可以了。我仲記得會考同高考放榜，我為自己中英文合格而流淚，感動的是身邊的朋友沒有因為我英文差就放棄我。

3.「感情」 四個字講既話，一敗塗地。試過努力去愛，努力為別人改變自己，努力令別人愛上自己，到頭來自己還是自作多情。很想去愛人，倒不如說自己很想去被愛。但有一樣我可以肯定的，就是愛上了一個人，我是絕對不會放棄的。

4.「成長」 從小到大被媽媽的愛護，變得自我中心，什麼事都不懂。不懂自己照顧自己，沒有膽量去單獨做事。但中學、大學的時候，慢慢開始明白要學懂獨立才可以生存。來了日本，更明白到如果不獨立，不勇敢的，就一定會失敗，同埋會餓死。

5.「性格」 古古怪怪，怕羞，慢熱，喜歡幫助人，為人祈禱，愛出風頭，喜歡吹水，喜歡什麼都笑，都可以話係我既特性吧。感激自己有一個心常常希望幫人，因為見到人笑既時候，自己都會好開心。慢熱令其他人覺得我不喜歡與人相處，不愛說話，但其實是相反。最愛和好朋友吹水，咩都都... 總之一齊傾計就可以了。笑容，令人與人的關係變得更近。

6.「喜好」 愛玩電腦，上網打日記，打遊戲機，打籃球，行街，聽音樂，和朋友們一起。電玩我想是從中一開始吧，因為電腦是一樣物件不會對你說「不」的東西(當然有時候不是)。行街是為了可以和朋友們一起，周圍去玩，乜野都傾。極愛日本音樂，香港某類 Pop song，Band 因為我希望我有一天也能夠有自己的樂隊。

7.「討厭」 我有好多唔鐘意既野食，所以成日俾人覺得我煩。我討厭人與人之間複雜的關係，因為我唔想諗點樣去解決當中既問題。我討厭別人食煙，點解世界要發明煙呢?我討厭自己係討厭別人做某樣事的時候會忍口，因為唔想傷害大家既關係。我討厭後悔、討厭懶惰，但我沒因為咁而冇再後悔同懶惰。我討厭有時候自己將自己的唔開心放左係朋友身上。

8.「挫折」 感謝主! 其實真係唔多。小時候，曾經因為考試唔好，唔俾心機溫書，成身都係"疼"晒(俾阿媽打) -> 所以曾經有過不如死左佢算，但後來覺得跳樓死會好痛。中學的失敗可算是唯一個樣野，認識我既中同，你地明既 XD"。 大學我諗係 Year 1 既時候沒盡全力咁好好讀書，放棄左一個好好可以開始既機會，同埋冇感受過 Hall life。挫折遇上的時候我會覺得很慘，全世界我就是最慘的，但現在回頭看，卻不覺得是什麼一回事。

9.「害怕」好驚昆蟲，好驚被人話，好驚人地嬲自己，好驚人唔鍾意自己，好驚人會點睇自己，好驚死，好驚自己一個人既寂寞，好驚冇錢，好驚冇時間，好驚搵唔到好工，好驚自己做錯野。應該仲有好多野驚。細個好驚黑，所以屋企有咁多公仔係因為我覺得我訓個陣佢地會郁，跟住會保護我 -_-

10. 「夢想」 小時候想做發明家或者係科學家。果然係夢想。亦都想過要有一個很好的家庭，因為我想這樣會很開心。好希望可以環遊世界，係每一個地方都有自己既足跡。

11. 「目標」 搵到一份好工，可以賺錢養到屋企人。為左可以更好同日本人溝通，番 HK 都要好俾心機讀書，考到日文試2級!!! 同埋... 我想快 d 搵到「妳」。

12.「曾感動的事」 其實其中一樣講過，就係考 AL 個陣我地成班人一齊溫英文，但我卻係最差既一個。呀，7B拎左班際籃球 Champion 我都好感動，因為佢係我第一次同最後一次拎既 Sport 獎項。仲有好多，Mr.King 走，F.7 last 個一日，Chiu Hei 走既時候，同中學朋友一齊的時間可算是我最感動和最記在心底的記憶。

13.「曾奮鬥的事」 因為打籃球技術唔好，由中一開始識打籃球既時候，每天也一直和好朋友練習。小息，Lunch，放學後，每天也在打籃球。就是因為這樣，身體長高了，技術卻仍然很差很差。每天回家黑黑的校服也給媽媽責罵，但想起學校的女孩子會看我們打籃球(當然不是為我)就很開心。

14. 「放在心底的話」 每一個人曾經對我講過的話，只要我認為對我有好處的，就算係批評，我也會放在心底。曾經被老師這樣說話，「朱仔，你太易信人對人好係你既優點，亦都係你既缺點，因為有時候咁樣你會因為人地對你唔好而唔開心。」

15. 「要多謝既人」 媽媽，因為我呢一世都還唔到你對過我咁好。婆婆，由細到大都咁錫我，咩都想我好。我最好最好的朋友，因為你地肯聽我講每一句野，俾意見我，鼓勵我。中學既同班同學仔，有你地令我愛上番學，因為我可以每日都同你地相處。大學認識我既人，多謝你地，一齊玩一齊通頂真係好難得。仲有就係唔鐘意我、討厭我既人，因為你地，我要變得更好更強，我唔要再失敗。

16. 「秘密」 講左俾你地聽就唔係秘密啦 XD